हिजो एकीकृत समाजवादीबाट राजिनामा दिएका श्रीधर पोखरेल एमालेमा प्रवेश
नेकपा एकीकृत समाजवादीको मकवानपुर अध्यक्षबाट राजिनामा दिएका श्रीधर पोखरेल नेकपा एमालेमा फर्किएका छन् ।
उनले बुधबार हेटौंडामा पत्रकार सम्मेलन गरि आफु साधारण सदस्यसमेत नरहने गरी पार्टी त्यागेको घोषणा गरेका थिए । लगत्तै उनि आज एमाले प्रवेश गरेका हुन् ।
आज काठमान्डौमा आयोजित एमाले अध्यक्ष केपी शर्मा ओली प्रमुख अतिथि रहेको पार्टी प्रवेश कार्यक्रममा उनले आफु एमालेमा फर्किएको बताउदै पार्टी प्रवेश गरेका हुन् ।
केहि ब्यक्तिको स्वार्थ पुरा गर्न कार्यकर्ताको समस्यालाइ नजर अन्दाज गर्दै प्राइभेट कम्पनीमा पार्टी रुपान्तरण गरेको र पार्टी भित्र जबर्जस्त ढंगबाट हुर्काउन खोजिएको ब्यक्तिबादका कारण आफुले साधारण सदस्यसमेत नरहने गरि राजिनामा दिएको उनले उल्लेख गरेका थिए ।
पोखरेलसँगै नेकपा एकीकृत समाजवादी मकवानपुर जिल्ला कमिटी सचिवालय सदस्यहरु उत्तम शर्मा न्यौपाने, देवेन्द्रप्रसाद कोइराला लगायत पनि नेकपा एमाले प्रवेश गरेका छन् ।