यातायात विकास प्राधिकरण बनाइने प्रचण्डको उद्घोष
नेकपा माओवादी केन्द्रका अध्यक्ष पुष्पकमल दाहाल प्रचण्डले यातायात विकास प्राधिकरण गठन गरिने आश्वासन दिनुभएको छ । उहाँले नेपाल यातायात व्यवसायीको शपथ ग्रहण तथा पदस्थापना समारोहलाई सम्बोधन गर्दै यातायात क्षेत्रका समस्या समाधान गर्न यातायात विकास प्राधिकरण बनाउन आफूले सक्दो प्रयास गर्ने बताउनुभएको हो ।
महासंघको २०७८ चैत २७, २८, २९ गते गोदावरीमा भएको छैठौं राष्ट्रिय महाधिवेशनबाट निर्वाचित केन्द्रिय कार्यकारिणी समितिको शपथ ग्रहण तथा पद्स्थापना समारोह हिजो आयोजना गरिएको हो ।