गठबन्धनको चुनावी घरदैलोमा कांग्रेस नेता पराजुली
नेपाली कांग्रेस मकवानपुरका प्रभावशाली नेता आनन्दराम पराजुली हेटौंडा उपमहानगरमा गठबन्धन नेतृत्वलाई जिताउन चुनाव प्रचार प्रसार एव घरदैलो कार्यक्रममा जुटेका छन्।
गठबन्धन दलको आयोजनमा हुदै आएको चुनाव प्रचार प्रसार तथा घरदौलो कार्यक्रममा नदेखिएका पराजुली आइतबार गठबन्धनको चुनावी कार्यक्रममा देखिएका छन् ।
हेटौंडा-५ को घरदैलोमा भेटिएका पराजुलीले गठबन्धनका उम्मेदवारलाई आफ्नो समर्थन रहेको बताउदै उनले गठबन्धनका उम्मेदवारलाई जिताउन आग्रह गरे ।
हेटौंडा उपमहानगरको मेयर कांग्रेसले पाउनुपर्ने भन्दै उनले अशन्तुष्टी जनाउदै आएका थिए। उनि मकवानपुर कांग्रेसका प्रभावशाली नेता मानिन्छन् ।
आइतबार उनले कांग्रेस मकवानपुरमा कुनै गुटउपगुट नरहेको भन्दै हेटौंडा उपमहानगरमा गठबन्धन नेतृत्व दलले विजयी हासिल गर्ने कुरामा ढुक्क रहन र गठबन्धन नेतृत्वको दलको चुनाव चिन्हमा मतदान गर्न नेता तथा कार्यकर्तालाई अनुरोध समेत गरेका छन्।
गठबन्धन ५ नम्बर वडाको चुनाव प्रचार प्रसार तथा घरदैलोमा कांग्रेस नगर सभापति उत्सव इटेनी लगायतका कांग्रेस,नेकपा एस,माओवादी केन्द्रका नेता कार्यकर्ताको सहभागिता रहेको थियो।