केपी ओली हेटौंडा आउदै, बस, म्याजिक सबै रिजर्व हुदा यात्रु हैरान
हेटौंडामा सार्वजनिक गाडीको अभाव भएको छ । आज नेकपा एमालेका अध्यक्ष केपी शर्मा ओली हेटौंडा आउने भएपछी हेटौंडाबाट चल्ने सार्वजनिक यातायात अधिकांस आफ्ना रुटमा चलेका छैनन् ।
विभिन्न स्थानबाट एमाले कार्यकर्ता आमसभामा उतार्नका लागि यहाँका लोकल बस तथा म्याजिकहरु रिजर्ब गरिएकाले यात्रुहरु पैदल हिडिरहेका छन् ।
आफ्ना रुटका गाडी नचलेपछि हिडेर यात्रुहरु गन्तब्यमा पुगिरहेका छन् भने कोहिले गाडी नचल्दा महँगो भाडा तिरेर अटो चडनु परेको गुनासो गरेका छन् ।
आज नेकपा एमालेले हेटौंडाको हुप्रचौरमा बृहत आमसभा गर्दैछ । उक्त सभालाई एमाले अध्यक्ष केपी ओलीले सम्बोधन गर्ने कार्यक्रम छ ।
एमालेले आज ४० हजार मान्छे उतार्ने बताएको छ ।