राप्रपा नेता खिलप्रसाद चौलागाईं नेकपा एमालेमा प्रवेश
राष्ट्रिय प्रजातन्त्र पार्टी राप्रपाको राजनीतिमा लामो समय सक्रिय रहेका खिलप्रसाद चौंलागाई नेकपा एमाले प्रवेश गरेका छन् । एमाले मकवानपुरद्वारा आज हेटौंडामा आयोजित आमसभामा अध्यक्ष केपी शर्मा ओलीले चौंलागाईलाई स्वागत गरेका हुन् ।
कमल थापा निकट मानिएका चौंलागाई राप्रपा विभाजनपछि राजेन्द्र लिङ्देनले नेतृत्व गरेको राप्रपामा नै थिए । चौलागाईंसँगै राप्रपाका पुराना नेता कृष्ण विडारी पनि एमाले प्रवेश गरेका हुन् । राप्रपाको अध्यक्षमा राजेन्द्र लिङ्देन निर्वाचित भएपछि कमल थापाले राप्रपा नेपाल स्थापना गरेका थिए ।
एमाले प्रवेश गरेलगत्तै चौलागाईंले मकवानपुरमा राप्रपा टर्च बालेर खोज्नुपर्ने अवस्थामा पुगेकोले आफु एमालेमा प्रवेश गरेको बताए ।