आज रेडियो कान्तिपुरको नेशनल म्युजिक अवार्ड
रेडियो कान्तिपुरले आज देशकै सर्वोत्कृष्ट सांगीतिक अवार्ड ‘नेशनल म्युजिक अवार्ड-२०७८’ कार्यक्रम आयोजना गर्दैछ । २३ औं वार्षिक उत्सवका अवसरमा रेडियो कान्तिपुरले विभिन्न विधामा सांगीतिक अवार्ड वितरण गर्न लागेको हो । प्रत्येक वर्ष आयोजना हुँदै आएको म्युजिक अवार्ड अघिल्लो वर्ष कोभिड महामारीका कारण प्रभावित भएको थियो ।
वर्षको उत्कृष्ट नव कलाकार, उत्कृष्ट संगीतकार, उत्कृष्ट लोक गायक, गायिका, पाश्र्व गायक, गायिका तथा वर्षको उत्कृष्ट गीतलाई रेडियो कान्तिपुरले सम्मान गर्न लागेको हो ।
यस्तै उत्कृष्ट पप गायक, गायिका, पिपल्स च्वाईस अवार्ड, वर्षको उत्कृष्ट सांगीतिक समूह, आधुनिक गायक, गायिका तथा उत्कृष्ट युगल गीत तर्फ यो सम्मान गरिने रेडियो कान्तिपुरले जनाएको छ । रेडियो कान्तिपुरमा वर्षभर बजेका गीतमध्ये विधागततर्फ सर्वोत्कृष्टलाई पुरस्कृत गरिन लागेको हो ।