वैदेशिक रोजगारीमा जानेको अन्तर्वार्ता सार्न विभागको निर्देशन
वैदेशिक रोजगार विभागले वैदेशिक रोजगारीमा जानेहरुको अन्तर्वार्ता सार्न निर्देशन दिएको छ।
म्यानपावर कम्पनीले वैशाख ३० र ३१ गते समेत अन्तर्वार्ताको लागि बोलाएकोले त्यो मिति सार्न निर्देशन दिइएको हो।
३० गते देशभर स्थानीय तहको निर्वाचन रहेको र सवारीसाधन रोक लगाएकोले अन्तर्वार्ताको लागि नयाँ सूचना प्रकाशित गर्न म्यानपावर कम्पनीलाई भनेको छ।
विभागले जारी गरेको सूचनामा भनिएको छ, ‘३० र ३१ गते दुई दिन अन्तर्वार्ता तोकिएको हकमा उक्त अन्तर्वार्ता रद्द गर्ने र पुनः विज्ञापनको लागि विभागमा पेश गर्नुपर्नेछ। त्यसका साथै १ गते देखि र सोभन्दा पछिसम्म अन्तर्वार्ता मात्रै गर्नुपर्नेछ।’