हेटौंडामा कमल थापाले गरे मतदान
राष्ट्रिय प्रजातन्त्र पार्टी नेपालका अध्यक्ष कमल थापाले मतदान गरेका छन् ।
उनले हेटौंडा उपमहानगरपालिका वडा नम्वर ६ स्थित वंशगोपाल माद्यमिक विद्यालयस्थित मतदान केन्द्रमा पुगेर विहान मतदान गरेका हुन् ।
हेटौंडामा बिहानैदेखि मतदान जारी छ । उपमहानगरपालिकाको मेयर, उपमेयर र १९ वटा वडाको अध्यक्ष, वडा सदस्यको ९७ पदका लागि ३८८ जनाले चुनावी मैदानमा भाग लिएका छन् ।
हेटौंडाको मेयरका लागि १० जना विभिन्न दलबाट र ८ स्वतन्त्र गरि १८ जना उम्मेदवार प्रतिष्पर्धामा छन् भने उपमेयरका लागि ७ दल र २ स्वतन्त्र गरि ९ जना प्रतिष्पर्धामा रहेका छन् ।