मकवानपुरमा ५० प्रतिशत मत खस्यो
मकवानपुरमा हाल सम्म ५० प्रतिशत मत खसेको छ ।
दिउसो २ बजेसम्ममा ५० प्रतिशत भन्दा बढी मत खसेको प्रमुख निर्वाचन अधिकृत डिल्ली रत्न श्रेष्ठले जानकारी दिए ।
उनका अनुसार जिल्लामा शान्तिपूर्ण ढंगले मतदान प्रक्रिया अघि बढिरहेको छ ।
जिल्लामा १ लाख ४९ हजार ९ सय ५४ जना पुरुष, १ लाख ४४ हजार ९ सय ५९ जना महिला र अन्य ६ जना गरी २ लाख ९४ हजार ९ सय १९ जना मतदाता रहेका छन् । यस अघिको निर्वाचनमा २ लाख २७ हजार ७ सय ५९ थिए, अहिले ६७ हजार मतदाता थपिएका छन् ।
त्यस्तै हेटौँडामा ५० हजार ७ सय २५ जना पुरुष, ५३ हजार ७ सय ४५ महिला र ३ जना अन्य गरी १ लाख ४ हजार ४७३ जना मतदाता रहेका छन् ।