देशभर ४१ प्रतिशत मतदान
स्थानीय तह सदस्य निर्वाचन २०७९ अन्तर्गत देशभर बिहानैदेखि मतदान भइरहेको छ।
बिहान ७ बजेदेखि सुरु भएको मतदान अन्तर्गत दिउँसो २ बजेसम्म देशभर ४१ प्रतिशत मतदान भएको छ।
निर्वाचन आयोगका प्रवक्ता सहसचिव शालिग्राम शर्मा पौडेलले अहिलेसम्म प्राप्त विवरण अनुसार ४१ प्रतिशत मतदान भएको जानकारी दिए।
अपराह्न ५ बजेसम्म मतदानको समय कायम गरिएको छ। निर्वाचन आयोगले ७० देखि ७५ प्रतिशतसम्म मत खस्ने अनुमान गरिएको छ।
केही स्थानमा मतदानका क्रममा झडप र विवाद भएपनि अन्य स्थानमा शान्तिपूर्ण रुपमा नै मतदान भइरहेको निर्वाचन आयोगले जनाएको छ।