राक्सिराङमा मतदान सकियो, ६५ प्रतिशत मत खस्यो, मतपेटिका ल्याउन ५ घण्टा लाग्ने
मकवानपुरको राक्सिराङ गाउँपालिकामा मतदान सकिएको छ । यहाँ ६५ प्रतिशत मत खसेको निर्वाचन अधिकृत गोपाल प्रसाद कंडेलले जानकारी दिए ।
उनका अनुसार ६ बजे मतदान सकिएको हो । राक्सिराङ गाउँपालिकाका विभिन्न वडाबाट निर्वाचन अधिकृतको कार्यालयसम्म मतपेटिका ल्याउनको लागि ५ घण्टा भन्दा बढी समय लागे कंडेलले जानकारी दिए ।
उनका अनुसार गाउँपालिकाको वडा नम्बर ७ सिलिंगे, डामरांगलगायतका ठाउँबाट मतपेटिका ल्याउन चितवन हुदै ल्याउनु पर्ने भएकाले ५ घण्टा भन्दा बढी समय लाग्नेछ ।
राक्सिराङ ८ हजार ७ सय ४७ जना पुरुष र ७ हजार ८५ जना महिला गरेर १५ हजार ८ सय ३२ जना मतादाता रहेका छन् ।