मनहरी अपडेट- गठबन्धनका रंजन कालाखेतीको अग्रता कायमै
मनहरी गाउँपालिकामा मतगणना जारी छ ।
गाउँपालिकाको वडा नम्वर १ को ११ सय ८४ मत गणनाको हुँदा गाउँपालिका प्रमुखमा गठबन्धनको तर्फका उम्मेदवार नेपाली कांग्रेसका रन्जन कालाखेतीले ६९६ मत प्राप्त गरेका छन् । त्यस्तै नेकपा एमालेका एकराज उप्रेतीले ३२४ प्राप्त गरेका छन् ।
त्यस्तै नेकपा एकीकृत समाजवादीका नारायण श्रेष्ठले १४१ मत प्राप्त गरेका छन् ।
त्यस्तै उपाध्यक्ष पदमा गठबन्धन तर्फकी माओवादी केन्द्रकी रेखा मगरले ३२६ मत प्राप्त गरेकी छन् भने नेकपा एमालेकी सुजिता थिङ्ले २७२ र नेकपा एकीकृत समाजवादीकी मनिला विष्टले २१८ मत प्राप्त गरेकी छन् । गाउँपालिकाको प्रमुखका लागी यहाँ ९ जना चुनावी प्रतिष्पर्धामा छन् भने उप प्रमुखका लागि ६ जना चुनावी मैदानमा छन् ।
त्यस्तै वडा अध्यक्ष तर्फ नेपाली कांग्रेसका शिव खनालले ७७१ मत पाएका छन् भने नेकपा एमालेका उम्मेदवारले २७६ र नेकपा एकीकृत समाजवादीका उम्मेदवारले १९९ मत प्राप्त गरेको निर्वाचन अधिकृत पूर्णबहादुर दर्जीले जानकारी दिएका छन् ।