हेटौंडा अपडेट- ४ सय मत गन्दा गठबन्धनको पछीपछी एमाले
हेटौंडा उपमहानगरपालिकामा मेयरका लागि गठबन्धनका उम्मेदवार नेकपा समाजवादीकि मिना कुमारी लामाको अग्रता कायम रहेको छ ।
हेटौंडा उपमहानगरपालिका १ को ४०० मतगणना गर्दा गठबन्धनको तर्फकि मिना कुमारी लामाले १३८ मत प्राप्त गरेकी छन् । एमालेको तर्फबाट मेयरका उम्मेदवार अनन्त पौडेलले १३४ मत प्राप्त गरेका छन् । त्यस्तै राप्रपाका दिपक बहादुर सिंहको ८२ मत प्राप्त भएको छ ।
त्यस्तै उपमेयरमा गठबन्धन तर्फका उम्मेदवार नेपाली काङ्ग्रेसका राजेश बानियाँको १७६ मत प्राप्त भएको छ । नेकपा एमालेका उम्मेदवार सुमित्रा काफ्लेको १५९ मत प्राप्त भएको छ ।
त्यस्तै हेटौंडा उपमहानगरपालिका-१ को अध्यक्षमा नेपाली कांग्रेसका उम्मेदवार सविन न्यौपानेले १८९ मत प्राप्त गर्दा एमालेका उत्तम पौडेलको १८४ मत प्राप्त भएको छ ।
४ हजार ७ सय ८८ मतदाता रहेका हेटौंडा उपमहानगरपालिका वडा नम्बर १ मा ३ हजार २ सय ९३ जनाले मतदान गरेका थिए ।
हेटौंडा उपमहानगरपालिका प्रमुखका लागी १८ जना चुनावी मैदानमा छन् । त्यस्तै उपमेयरका लागि ९ जना चुनावी प्रतिष्पर्धामा छन् ।
हेटौडा उपमहानगरपालिकामा कुल १ लाख ४ हजार ४ सय ७३ जना मतदाता रहेकोमा १९ वटा वडाहरुका ७४ हजार १ सय ८५ जनाले मतदान गरेका थिए।