राक्सिराङमा मतगणना सुरु
मकवानपुरको राक्सिरांग गाउँपालिकामा मतगणना सुरु गरिएको छ ।
दिउसो साढे २ बजेदेखि मतगणना सुरु गरिएको निर्वाचन अधिकृत गोपाल प्रसाद कंडेलले जानकारी दिए । पालिकाको ९ वटै वडाका मतपेटिका आइपुगेपछि मतगणना सुरु गरिएको हो कुल १५ हजार ८३२ कुल मतदाता रहेका छन् ।
पालिका अध्यक्षका लागी यहाँ नेकपा एमालेबाट बाबुलाल स्यान्तांग, नेपाली कांग्रेसको तर्फबाट राजकुमार मल्ल, जसपाबाट यस कुमार प्रजा, नेकपा एकीकृत समाजवादीबाट कृष्ण प्रजा लगायत ६ जना चुनावी मैदानमा रहेका छन् ।
त्यस्तै उपप्रमुखमा एमालेबाट सुन्तली माया प्रजा, माओवादी केन्द्रबाट बनस्तम थिंग र एकीकृत समाजवादीको तर्फबाट मिलन कुमारी तामाङ्ग चुनावी मैदानमा छन् ।