थाहा नगरपालिका अपडेट- माओबादीले खाता खोल्यो, १ नम्बर वडामा गोपाली बिजयी
मकवानपुरको थाहा नगरपालिकामा माओवादी केन्द्रले खाता खोलेको छ । शनिबार दिउँसो वडा नम्वर १ को सम्पन्न मतगणनामा अध्यक्ष पदमा माओवादी केन्द्रका हेरमान गोपाली १ सय ५ मतान्तर सहित विजयी भएका हुन् ।
गोपालीले ८ सय ६३ मत प्राप्त गरेका छन भने उनका निकटतम प्रतिद्वन्दी नेकपा एमालेका प्रदिप प्रधानले ७ सय ५८ मत प्राप्त गरेका छन् ।
त्यस्तै नेपाली कांग्रेसका उम्मेदवार रुपचन गोपालीले ३ सय ५८ मत प्राप्त गरेका छन् । वडा नम्वर १ मा उनीसहित माओवादीको प्यानल नै विजयी भएको हो ।
अब वडा नम्वर २ को मतगणना थालनी गरिने निर्वाचन अधिकृतको कार्यालयले जनाएको छ ।
३२ हजार ३०७ मतदाता रहेको थाहा नगरपालिकामा जम्मा २३ हजार ५६ मत खसेको थियो । थाहामा प्रमुखपदका लागि ६ जना र उपप्रमुखका लागि ३ जना चुनावी प्रतिष्पर्धामा छन् ।