हेटौंडा अपडेट- मिना लामाको अग्रता कायमै, अनन्तलाई दिपक सिंहले पछ्याउदै
हेटौंडा उपमहानगरपालिकामा मेयरका लागि गठबन्धनका उम्मेदवार नेकपा समाजवादीकी मिना कुमारी लामाको अग्रता कायम रहेको छ ।
हेटौंडा उपमहानगरपालिकाको हाल हेटौंडा–१, २, १८ र १९ नम्बर वडामा मतगणना कार्य भइरहेको छ । हालसम्म १७०० मत गणनाहुँदा सत्तारुढ गठबन्धनले मेयर र उपमेयर दुवैमा अग्रता लिएको छ । हालसम्म सत्तारुढ गठबन्धनतर्फ मेयरकी उम्मेदवार मीना लामाले ५४० मत प्राप्त गरेकी छन् ।
उनलाई एमालेले पछ्याइरहेको छ । एमालेका उम्मेदवार अनन्तप्रसाद पौडेलले ४९८ मत प्राप्त गरेका छन् । राप्रपाका उम्मेदवार दीपकबहादुर सिंह ४६० मत प्राप्त गर्दै तेस्रो स्थानमा रहेका छन् ।
उपमेयरमा कांग्रेसका राजेश बानियाँले ७५६ मत प्राप्त गरेका छन् । एमालेकी उम्मेदवार सुमित्रा काफ्लेले ६०० र राप्रपाकी इन्दिरा न्यौपानेले १२४ मत प्राप्त गरेको निर्वाचन अधिकृतको कार्यालयले जनाएको छ ।