हेटौंडाको ताजा अपडेट- मेयरमा कडा टक्कर, १ मतले अनन्त पौडेल अघि लागे
हेटौंडा उपमहानगरपालिकामा मेयरका लागि गठबन्धनका उम्मेदवार नेकपा समाजवादीकी मिना कुमारी लामाको अग्रतालाई एमालेले तोडेको छ ।
हाल हेटौंडा–१, २, १८ र १९ नम्बर वडामा मतगणना कार्य भइरहेको छ । हालसम्म २६१८ मत गणनाहुँदा एमालेका उम्मेदवार अनन्तप्रसाद पौडेलले ७८६ मत प्राप्त गरेका छन् । सत्तारुढ गठबन्धनतर्फ मेयरकी उम्मेदवार मीना लामाले ७८५ मत प्राप्त गरेकी छन् । एमालेले १ मतले अग्रता लिएको छ।
राप्रपाका उम्मेदवार दीपकबहादुर सिंह ७२० मत प्राप्त गर्दै तेस्रो स्थानमा रहेका छन् ।
उपमेयरमा कांग्रेसका राजेश बानियाँले ११५१ मत प्राप्त गरेका छन् । एमालेकी उम्मेदवार सुमित्रा काफ्लेले ९४३ मत प्राप्त गरेकी छन् ।