हेटौंडा अपडेट- एमालेलाई अघि बढ्न दिएन गठबन्धनले, पुनः पछी परे अनन्त पौडेल
हेटौंडा उपमहानगरपालिकामा मेयरका लागि गठबन्धनका उम्मेदवार नेकपा समाजवादीकी मिना कुमारी लामाले पुनः अग्रता लिएकी छन् ।
हाल हेटौंडा–१, २, १८ र १९ नम्बर वडामा मतगणना कार्य भइरहेको छ । हालसम्म २६७६ मत गणनाहुँदा एमाले पछी परेको छ । सत्तारुढ गठबन्धनतर्फ मेयरकी उम्मेदवार मीना लामाले ८०० मत प्राप्त गरेकी छन् । एमालेका उम्मेदवार अनन्तप्रसाद पौडेलले ७९५ मत प्राप्त गरेका छन् ।
राप्रपाका उम्मेदवार दीपकबहादुर सिंह ७४४ मत प्राप्त गर्दै तेस्रो स्थानमा रहेका छन् ।
उपमेयरमा कांग्रेसका राजेश बानियाँले ११७८ मत प्राप्त गरेका छन् । एमालेकी उम्मेदवार सुमित्रा काफ्लेले ९५६ मत प्राप्त गरेकी छन् ।