हेटौंडामा मतगणना निकै सुस्त गतिमा, १४ घण्टामा ३ हजार गणना
हेटौंडामा मतगणना निकै सुस्त गतिमा भैरहेको छ ।
आज बिहान ८ बजेदेखि सुरु भएको मतगणना राती साढे १० बजेसम्ममा ३ हजार ७६ मत गनिएको छ । हेटौंडा उपमहानगरपालिका १,२ १८ र १९ नम्बरको मतगणना बिहानदेखि थालिएको थियो । १४ घन्टामा जम्मा तिन हजार मत गणना गरिएको छ ।
मतदान स्थलको व्यवस्थापन फितलो र दलका प्रतिनिधि गणना स्थलमा आवस्यक भन्दा बढी उपस्थित भएकाले पनि मत गणनामा असर देखिएको बुझिएको छ । प्राय गनिसकेको मतपत्र पुनः गणना गन्नुपर्ने अवस्था बारम्बार दोहोरिएकाले पनि गणना ढिलो भएको हो ।
हेटौंडा उपमहानगरपालिकाका १९ वटा वडामा कुल १ लाख ४ हजार ४ सय ७३ जना मतदाता रहेकोमा ७४ हजार १ सय ८५ जनाले मतदान गरेका छन् ।