मकवानपुरको १५ वडाको अन्तिम नतिजा सार्वजनिक, मावोबादीले जित्यो ६ वडा
मकवानपुरको १० स्थानीय तहका १ सय २ वडा मध्ये १५ वटा वडाको मत परिणाम सार्वजनिक भएको छ । आज बिहानसम्म नेकपा माओवादी केन्द्रले ६ वटा, नेपाली कांग्रेसले ५ वटा र एमालेले ४ वटा वडा जितेको छ ।
जिल्लामा माओवादी केन्द्रबाट थाहा नगरपालिका १ मा हेरमान गोपाली, थाहा–२ मा बमबहादुर सिंतान, मनहरी–२ मा राजकुमार पाख्रीन, बकैया–१ मा आशिष तितुङ, बकैया–२ मा विश्वराज स्याङतान र भीमफेदी ३ मा पृति लाल लामा विजयी भएका छन् ।
त्यस्तै कांग्रेसबाट इन्द्रसरोवर–१ मा सुवास थापा, इन्द्रसरोवर–२ मा सुमन श्रेष्ठ, मनहरी–१ मा शिव प्रसाद खनाल, कैलाश–१ मा तेज बहादुर ब्लोन र मकवानपुरगढी–८ मा कांग्रेसका कुमार घिसिङ बिजयी बनेका छन् ।
त्यस्तै नेकपा एमालेबाट भिमफेदी–२ मा काशी राम बज्यु, कैलाश–१० मा एमालेका सुर्य बहादुर ब्लोन र भीमफेदी–४ मा सागर पाण्डे, भीमफेदी-५ जाहार सिं लामा विजयी भएका छन् ।