बकैया गाउँपालिका अपडेट- प्रमुखमा कांग्रेसका लामिछानेको दोब्बर मतको अग्रता
मकवानपुरको पूर्वीक्षेत्रमा रहेको बकैया गाउँपालिकामा नेपाली कांग्रेसका उम्मेदवार धर्म लामिछानेले करिब दोब्बर मतको अग्रता कायम राखेका छन् ।
बकैयाको वडा नम्बर १, २ को मतगणना सम्पन्न भइसकेको छ । ११ नम्बर वडाको मतगणना गरिरहदा सत्तारुढ गठबन्धनका उम्मेदवार लामिछानेले १९२८ मत प्राप्त गरेका छन् ।
उनको निकटतम प्रतिद्वन्द्वी एमालेकी उम्मेदवार सरला बोलखेले ९६२ मत प्राप्त गरेकी छन् ।
त्यस्तै पालिका उपप्रमुखमा गठबन्धन तर्फका माओवादी केन्द्रका उम्मेदवार भक्तबहादुर खत्रीले १५३९ मत प्राप्त गरेका छन् । उनको प्रतिद्वन्द्वी एमालेका लालबहादुर स्याङ्तानले ९६२ मत प्राप्त गरेका छन् ।
वकैयामा १ र २ नम्बर वडामा माओवादीले विजयी भैसकेको छ ।