हेटौंडामा एमालेलाई राप्रपाले जित्यो, मेयरमा कडा टक्कर
हेटौंडा उपमहानगरपालिकामा एमालेलाई राप्रपाले उछिनेको छ ।
हाल हेटौंडा–१, २, १८ र १९ नम्बर वडामा मतगणना भइरहेको छ । मेयरका लागि गठबन्धनका उम्मेदवार नेकपा समाजवादीकी मिना कुमारी लामाले अग्रता लिइरहेकी छन् । एमाले तेस्रो स्थानमा झरेको छ । हालसम्म २२ सय ७४ मतसहित गठबन्धनकी उम्मेदवार मीना लामा पहिलो स्थानमा रहेकी छन् ।
दोस्रो स्थानमा राप्रपाका उम्मेदवार दीपक सिंह रहेका छन् । उनले २२ सय २५ मत प्राप्त गरेका छन् ।
तेस्रो स्थानमा रहेका एमालेका उम्मेदवार अनन्त पौडेलले २१ सय १२ मत प्राप्त गरेका छन् ।
त्यस्तै उपमेयरमा गठबन्धनका राजेश बानियाँले ३३ सय १ मत ल्याएका छन् भने एमालेको २७७६ मत प्राप्त भएको छ ।