बागमती–३ को वडाध्यक्षमा माओवादीका कमान सिं पाख्रिन विजयी
मकवानपुरको बागमती गाउँपालिका वडा नम्वर ३ को मतगणना सम्पन्न भएको छ । सोमबार सम्पन्न मतपरिणाम अनुसार, वडाध्यक्षमा नेकपा माओवादी केन्द्रका उम्मेदवार कमान सिं पाख्रिन विजयी भएका छन् ।
वडाध्यक्षमा पाख्रिनले प्रतिस्पर्धी नेकपा एमालेका पञ्चलाल भोलनलाई ७ मतले पराजित गर्दै जित हाँसिल गरेका हुन् । पाख्रिनले ४१७ मत प्राप्त गर्दा भोलनले ४१० मत प्राप्त गरेका छन् । यस्तै, तेस्रो स्थानमा रहेको नेपाली कांग्रेसका सरोज योञ्जनले १५४ मत प्राप्त गरेका छन् । बागमती–३ मा कूल १ हजार ४१ मत खसेको थियो ।
त्यस्तै, वडा सदस्यहरुमा क्रमशः तुलबहादुर मुक्तान, रतन बहादुर बज्यु, भगवती माया माझी निर्वाचित भएका छन् भने दलित महिला सदस्यमा विष्णु माया विश्वकर्मा निर्विरोध भइसकेकी छन् । बागमती गाँउपालिकाको वडा नम्वर १ र २ मा यसअघि माओवादी केन्द्रको प्यानल नै विजयी भैसकेको छ ।