मकवानपुरगढी अपडेट: विदुर हुमागाईकै वडामा सुर्यको अघिअघि रुख
मकवानपुरगढी गाउँपालिकाको अध्यक्ष पदमा गठबन्धनका उम्मेदवार दोर्जे लामा स्याङ्तानले अग्रता लिइरहेका छन् । ६ वटा वडाको मतगणनाको अन्तिम नतिजा सार्वजानिक हुदाँ समेत लामा अघिअघि नै रहेका छन् ।
एमालेका अध्यक्ष उम्मेदवार विदुर हुमागाईकै आफ्नै वडा वडा नम्बर ५ मा समेत लामाले अग्रता कायम राखेका छन् । २ हजार २२८ मत खसेको वडा ५ मा एक हजार ७०० मत गणना भइसक्दा पनि हुमागाई र लामाको मतको मतान्तर ८० रहेको छ ।
लामाले ८२८ मत प्राप्त गरेका छन् भने हुमागाईले ७४८ मत प्राप्त गरेका छन् । एमालेको किल्ला भनीएको वडा नम्बर ५ वडामा समेत नेपाली कांग्रेसले यस वर्ष तोड्ने संकेत देखाएको छ ।