हेटौंडा-४ : एउटा मतपत्रमा भेटियो ‘नो भोट’
हेटौडा उपमहानगरपालिकाकाे मतपत्रमा नो भोट लेखेको भेटिएको छ ।
गत वैशाख ३० गते सम्पन्न स्थानीय तह निर्वाचनको जारी मतगणनामा हेटौंडा उपमहानगरपालिका-४ को एक मतपत्रमा नो भोट लेखेको फेला परेको छ । हेटौंडामा अहिले वडा नम्बर ३, ४, ५, ६, १४, १६ लगायतका वडाको मतगणना जारि छ । अहिलेसम्म हेटौंडा उपमहानगरपालिकामा २५ हजार मतनगना भैसकेको छ ।
हेटौंडा उपमहानगरपालिकाको प्रमुखका लागि गठबन्धन तर्फकी उम्मेदवार मिना कुमारी लामाले अग्रता लिएकी छन् ।
यस्तै हेटौडा उपमहानगरपालिकाको वडा नम्बर ४ मा १५५४ मतगणना हुँदा मेयरमा राप्रपाले ६२२, एकीकृत समाजवादीले ४१०, नेकपा एमालेले ६२२ मत ल्याएको छ । यस्तै उपप्रमुखमा नेपाली काँग्रेसले ७९६, एमालेले ४२४ र राप्रपाले २१३ मत ल्याएको छ ।