बागमती गाउँपालिकामा गठबन्धन विजयी
मकवानपुरका पूर्वीगाउँपालिका बागमतीमा सत्तारुढ गठबन्धन विजयी भएको छ ।
सत्तारुढ गठबन्धनतर्फ नेकपा माओवादी केन्द्रका उम्मेदवार सर्केश घलान प्रमुखमा र नेपाली कांग्रेसका उम्मेदवार फणिन्द्र तिमल्सिना उपप्रमुखमा निर्वाचित भएका हुन् । सर्केशले नेकपा एमालेका उम्मेदवार खेम जर्गामगरलाई पराजित गरेका हुन् ।
सर्केशले ७ हजार ३८४ मत प्राप्त गरेका थिए । पराजित खेमले ६ हजार १६६ मत प्राप्त गरेका थिए । उपप्रमुखमा विजयी भएका फणिन्द्रले ७ हजार ९३५ मत प्राप्त गरे । उपप्रमुखमा पराजित नेकपा एमालेकी धनमाया स्याङ्तानले ४ हजार ६६९ मत प्राप्त गरेकी छिन् । बागमतीमा माओवादीले ५ वटा, एमालेले ३ वटा र कांग्रेसले एउटा वडामा विजयी हात पारेको थियो ।
मतगणनाको क्रममा विवादहुँदा दोहोर्याएर एउटा वडाको मतगणना गर्नुपर्दा ढिलो नतीजा सार्वजनिक गर्नुपर्ने अवस्था सिर्जना आएको निर्वाचन अधिकृत हरि उपाध्यायले जानकारी दिए ।