हेटौंडामा हर्क, बालेन र गोपाल हमालको जितको खुसियालीमा धन्यवाद र्याली निकालिने
स्वतन्त्र उम्मेदवार बालेन शाह काठमाडौं महानगरपालिकाको मेयरमा निर्वाचित भएको खुसियालीमा आज हेटौंडामा र्याली निकालिने भएको छ । आज साझ ६ बजे हेटौंडाको बुद्धचोकमा धन्यबाद र्याली निकालिने बताइएको छ ।
स्वतन्त्र उम्मेदवार काठमान्डौमा बालेन शाह, धनगडीमा गोपाल हमाल र धरानका हर्क साम्पाङको जितको खुसियालीमा हेटौंडाका स्वतन्त्र युवाहरुले र्यालीको आयोजना गरेका हुन् । जनताले स्वतन्त्ररुपमा उठेकालाई अमुल्य मत दिई विजयी गराएकोमा धन्यवाद दिन हेटौंडामा पनि र्यालीको आयोजना गरिएको हेटौंडाका स्वतन्त्र युवा किश्वोर अर्यालले बताए ।
दलका नेता तथा उमेर पुगेका उम्मेदवारलाई भोट दिएर वाक्क भएका जनताले यसपाली स्वतन्त्र युवालाई चुनेको खुसियालीमा खुसियाली तथा धन्यवाद र्याली निकालिने तयारी रहेको हेटौंडाका अर्का स्वतन्त्र युवा दिनेश लामाले जानकारी दिए । हेटौंडा-१० राप्ती रोडमा स्वस्फूर्त रुपमा युवाहरु जम्मा भई र्यालीमा सहभागी हुने उनले बताए । हेटौंडामा हुने धन्यवाद र्यालीमा स्वस्फूर्त रुपमा उपस्थित हुन आग्रह गरिएको छ ।