हेटौंडा-पथलैया सडकखण्डको ३ नम्बर पुलमा दुर्घटना हुँदा ट्रकमा आगलागी
पूर्व पश्चिम राजमार्ग अन्तर्गत हेटौंडा-पथलैया सडकखण्डको ३ नम्बर पुलमा ट्रक र मिनिट्रक एक आपसमा ठक्कर खादा आगलागी भएको छ ।
शनिवार दिउसो हेटौंडाबाट पथलैया तर्फ जाँदै गरेको ना. ६ ख ३२८६ नम्बरको ट्रक र पथलैयाबाट हेटौंडा तर्फ आउदै गरेको ना. ६ ख ४२४२ नम्बरको मिनि ट्रक बारा अमलेखगन्ज स्थित ३ नम्बर पुल नजिक दुर्घटना भएको हो । दुई सवारी एकआपसमा ठक्कर खाँदा ट्रकमा आगलागी भएको छ। आगलागीबाट ट्रक पूर्णरुपमा क्षति भएको छ ।
ट्रकमा लागलागी भएपछी हेटौंडा र बारा प्रहरीको सहयोगमा वारुण यन्त्रले आगलागी नियन्त्रणमा गरेको थियो ।