लाइसेन्सको नयाँ आवेदन खुल्यो, वर्ग यथावत
हेटौंडा खबर
१६ जेष्ठ २०७९, सोमबार १६:११
यातायात व्यवस्था विभागले सवारी चालक अनुमतिपत्र (लाइसेन्स) को नयाँ आवेदन खुला गरेको छ । विभागले आज साँझ ६ बजेदेखि लाइसेन्सको अनलाइन आवेदन खुला गर्न लागेको हो ।
विभागले लाइसेन्समा नयाँ तथा वर्ग थपका लागि हालसम्म परेका आवेदनहरु आजबाट रद्दसमेत गरेको छ । वर्ग थप गराउन चाहने सेवाग्राहीका लागि अर्को हप्ताको सोमबारबाट आवेदन खोल्ने निर्णय गर्दै यसअघिका आवेदन खारेज गरिएको हो ।