हेटौंडाको राप्तीरोडबाट ५० किलो गाँजासहित एकजना पक्राउ
हेटौंडामा ५० किलो लागुऔषध गाँजासहित एक भारतीय पक्राउ परेका छन् ।
हेटौंडा उपमहानगरपालिका–१० राप्तीरोडबाट प्रहरीले ५० केजी ४ सय ग्राम गाँजा सहित अटो चालक भारत बिहार सितामढी ग्राम पञ्चायत नोचा वडा नं.१० थाना बेला बस्ने ३७ वर्षीय राजेश चौधरीलाई पक्राउ गरेको हो ।
प्रहरीले बिहीबार साँझ नेवारपानी तर्फबाट हेटौडा तर्फ आउंदै गरेको ना.२ ह १५०८ नम्बरको अटोलाई रोकी चेकजांच गर्दा उक्त अटोमा लुकाई छीपाई ल्याएको गाँजा फेला परेको थियो ।
चौधरीलाई अटो र गाँजा सहित नियन्त्रणमा लिई थप अनुसन्धान गरिरहेको प्रहरीले जनाएको छ ।