‘नेम इन्स्टिच्युट’ र ‘हेटौंडा स्कुल अफ म्यानेजमेन्ट’को आयोजनामा निशुल्क लेखा तालिम
हेटौंडामा विद्यार्थीहरुलाई १० दिने निशुल्क लेखा तालिम दिइएको छ । हेटौडा स्कुल अफ म्यानेजमेन्ट र हेटौंडाको नेम इन्स्टिच्युटको संयुक्त आयोजनामा तालिम दिइएको हो ।
बिबिएस चौथो वर्षका विद्यार्थीहरुलाई १० दिन निशुल्क तालिम दिइएको नेम इन्स्टिच्युटका संचालक किश्वोर अर्यालले जानकारी दिए । लेखा तालिममा हेटौडा स्कुल अफ म्यानेजमेन्टका ५३ जना विद्यार्थी सहभागी थिए ।
विद्यार्थीलाई सैदान्तिक ज्ञान मात्र दिएर नपुग्ने भएकाले व्यवहारिक ज्ञान र पढाई पछी आफ्नो काम आफै सम्हाल्न अझै सहज होस् भन्नका निम्ति तालिमको आयोजना गरिएको अर्यालले बताए ।
