सिद्धार्थ शिशु सदनका विद्यार्थीले गरे ‘धान रोपाइँ’
हेटौंडा-५ स्थित सिद्धार्थ शिशु सदन बिद्यालयमा अध्यनरत विद्यार्थीहरु धान रोपाइँ कार्यक्रममा सहभागी भएका छन् ।
विद्यालयका कक्षा १० का वातावरण विज्ञान विषयका विद्यार्थीले बुधबार धान दिवसको अवसरमा धान रोपेका हुन् । विद्यालय पोशाकमै खेतमा पुगेका उनीहरुले उत्साहित हुँदै धान रोपेका थिए । राष्ट्रिय धान दिवसको अवसरमा कक्षा १० का विद्यार्थीलाई विद्यालयले धान रोप्न लगेको थियो ।
आफु पहिलो पटक धान रोप्न खेतमा पसेकाले निकै रमाइलो अनुभव गरेको कक्षा १० का आर्यन चौलागाईंले बताए । हिलोमा पसेर धान रोप्न पाउँदा खुसि लागेको र आफुलाई खेतमा काम गर्दा छुट्टै आनन्द आउने अर्का छात्र राजकिशोरले अनुभव सुनाए ।
तस्वीरहरु : सिद्धार्थ शिशु सदन