गुड्दा गुड्दैको ट्रकमा आगलागी
तनहुँस्थित व्यास नगरपालिका १२ देउरालीमा गुड्दा गुड्दैको ट्रकमा आगलागी भएको छ । बिहान करिब सवा ५ बजे पृथ्वी राजमार्गमा लु २ ख ११९ नम्बरको मालबाहक ट्रक आगलागी भएको हो ।
आगलागी शुरु हुनासाथ ट्रक चालक ट्रकबाट हाम फालेर सडकमा उत्रिएका थिए। आगलागीबाट ट्रकको अगाडिको भाग पूर्णरुपमा क्षति भएको छ भने मानवीय क्षति भएको छैन ।
स्थानीय, प्रहरी तथा दमकलको टोलीले आगो निभाएको थियो। ट्रकमा वायरिङ सर्ट भएकाले आगलागी भएको हुनसक्ने प्रहरीको प्रारम्भिक अनुसन्धानबाट खुलेको छ ।
