‘भ्यालेन्टाइन डे’ मा हेटौंडामा एड्रिन प्रधान म्युजिकल नाइट हुने
फेब्रुअरी १४ तारिखमा मनाइने ‘भ्यालेन्टाइन डे’ अर्थात् प्रणय दिवसका दिन हेटौंडामा पप गायक तथा संगीतकार एड्रिन प्रधान म्युजिकल नाइट हुने भएको छ ।
हेटौंडाको नारायणी मल स्थित डाईन एण्ड वाइन रेस्टुरेन्टमा फागुन २ गते साझ गायक प्रधानसहितको टिमको प्रस्तुति हेर्न सकिने नारायणी मल आचार्य प्लाजाका अध्यक्ष नवराज आचार्यले बताए ।
प्रेमी प्रेमिका लागि बिशेष मानिने यो दिनमा युवा जमातको मनपर्ने पप गायकको मनोरन्जनात्मक प्रस्तुतिले युवा जमातमा थप रमाइलो र संगीतमय माहोल बन्ने बिश्वास लिएको उनले बताए ।
उनका अनुसार फागुन २ गते डाईन एण्ड वाइनमा खाना र खाजाका बिशेष परिकारसहित युगल जोडीलाई बिशेष छुटको पनि व्यवस्था मिलाइएको छ ।
एड्रिन प्रधानको ‘छुदैन तिम्रो मायाले’, ‘सारा खुसी’, ‘हिड्दा हिड्दै’, ‘धेरै धेरै आउछ मनमा’लगायत दर्जन बढी गीतहरु बर्षौ अधिदेखीका हिट गीतहरु हुन् ।
