पछिल्लो २४ घण्टामा नेपालमा थप १ सय ४ जनामा कोरोना संक्रमण
पछिल्लो २४ घण्टामा नेपालमा थप १ सय ४ जनामा कोभिड–१९ कोरोना भाइरस संक्रमण पुष्टि भएको छ ।
यो संगै नेपालमा कोरोना संक्रमिको संख्या २ लाख ७२ हजार ७ सय १८ पुगेको स्वास्थ्य तथा जनसंख्या मन्त्रालयले जनाएको छ ।
आइतबार थप १३१ जना कोभिडमुक्त भएका छन् । हालसम्म नेपालमा २ लाख ६९ हजार ६० जनाले कोभिड जितेका छन् । गत २४ घण्टामा कोभिडबाट कसैको पनि मृत्यु भएको छैन ।
नेपालमा हालसम्म २ हजार ५४ जनाले कोरोनाका कारण ज्यान गुमाएका छन् । नेपालमा हाल १६ सय ४ जना आइसोलेसनमा र ७९ जना क्वारेन्टाइनमा छन् भने हालसम्म २१ लाख १७ हजार ५० जनामा पीसीआर परीक्षण गरिएको छ ।
