सुनको भाउ आज पनि घट्यो
आज सोमबार पनि सुनको भाउमा गिरावट आएको छ ।
नेपाल सुनचाँदी व्यवसायी महासंघका अनुसार आज छापावाल सुन तोलामा एक सय रुपैयाँ घटेर ९० हजार ७०० रुपैयाँ कायम भएको छ । हिजो प्रतितोला ९० हजार ८०० रुपैयाँमा कारोबार भएको सुनको भाउ आज घटेको हो । त्यस्तै तेजावी सुन आज ९० हजार २०० रुपैयाँ पुगेको छ ।
आज चाँदीको भाउ भने बढेको छ । हिजो प्रतितोला एक हजार ३३५ रुपैयाँमा कारोबार भएको चाँदी आज प्रतितोला ५ रुपैयाँले बढेर एक हजार ३४० रुपैयाँमा कारोबार हुने महासंघले जनाएको छ ।