मेलम्ची खानेपानी आयोजनाको सुरुङको सफल परीक्षण
मेलम्ची खानेपानी आयोजनाको सुरुङ परीक्षण गरिएको छ । सोमवार (आज) साढे २६ किलोमिटर सुरुङमा पानी भरेर परीक्षण गरिएको हो।
खानेपानी मन्त्री मणि थापा, नेता शेरबहादुर तामाङ लगायतको उपस्थितिमा सुरुङमा पानी हालेर परीक्षण गरिएको हो ।
यसअघि गत असारमा सुरुङमा पानी भरेर परीक्षण गरिएको थियो । सो क्रममा हेलम्बु गाउँपालिका–१ अम्बाथानको मुख्य गेट फुटेर आयोजनाका एक इन्जिनियर र चालकलाई बगाएको थियो ।
सिन्धुपाल्चोकको मेलम्ची खोलादेखि काठमाडौँको सुन्दरीजलसम्मको साढे २६ किलोमिटर सुरुङ भर्न १६ दिन लाग्नेछ। शुरुआती चरण भएकाले सुरुङको क्षमताअनुसार पानी नछाडिने बताइएको छ।
