चौकीटोलमा दुईवटा सुमो ठोक्किदा ११ यात्रु घाइते
हेटौंडामा दुईवटा सुमो एकआपसमा ठोक्किएका छन् ।
मंगलबार बिहान त्रिभुवन राजपथ अन्तर्गत हेटौंडा उपमहानगरपालिका -१ चौकिटोलमा २ वटा सुमो ठक्कर खादाँ ११ जना घाइते भएका छन।
हेटौंडाबाट यात्रु बोकेर काठमाडौं जादै गरेको प्रदेश-३ -०३-००१ज ००२९ नम्बरको सुमो र चौकीटोल तर्फबाट हेटौंडा आउदै गरेको ना १ ज २४६० नम्बरको सुमो ठोकिदाँ दुवै सुमोका ११ जना घाइते भएको प्रहरीले जनाएको छ ।
घाइतेहरूको हेटौंडाको विभिन्न अस्पतालमा उपचार भइरहेको र सुमो प्रहरीको नियन्त्रणमा रहेको जिल्ला प्रहरी कार्यालय मकवानपुरले जनाएको छ ।