हेटौंडामा २ बालबालिका सहित थप १३ जनामा कोरोना संक्रमण पुष्टि
हेटौंडामा आज २ बालबालिका सहित थप १३ जनामा कोरोनाको संक्रमण पुष्टि भएको छ ।
हेटौंडामा मंगलबार गरिएको कोभिड १९ परीक्षणमा इन्टीजिन विधिबाट गरिएकोमा ४ जना तथा पिसिआर विधिबाट गरिएकोमा ९ जना गरी १३ जनामा कोभिड १९ संक्रमण पुष्टि भएको जनस्वास्थ्य अधिकृत भोला चौलागाईंले जानकारी दिए ।
आज गरिएको २८ जनाको परिक्षणमा १३ जनामा संक्रमण देखिएको उनले बताए । उनका अनुसार आज गरिएको परिक्षणमा १२ र १५ वर्षीय दुई बाल-बालबालिकालाई पनि कोरोनाको संक्रमण देखिएको छ ।
एकजनाको इन्टीजिन र एकजनाको पिसिआर परिक्षण गर्दा उनीहरुमा कोभिड १९ संक्रमण पुष्टि भएको हो ।