हेटौंडामा आज २५ जनाको ‘कोरोना पोजेटिभ’, एकजनाको मृत्यु
हेटौंडामा थप २२ जनामा कोरोना संक्रमण पुष्टि भएको छ ।
बुधबार गरिएको ४८ जनाको एन्टीजिन र पिसिआर परिक्षण गर्दा २५ जनामा कोरोना पोजेटिभ देखिएको जनस्वास्थ्य अधिकृत भोला चौलागाईंले जानकारी दिए ।
उनका अनुसार आज परिक्षण गरिएका मध्य ४ जनाको पुनः परिक्षण गर्दा पनि पोजेटिभ देखिएको हो ।
आज कोरोना पोजेटिभ देखिएका मध्य ६ वर्षीय एक बालक रहेका छन् ।
मकवानपुरमा हाल सम्म सक्रिय संक्रमितको संख्या ७७ पुगेको बताइएको छ ।
त्यस्तै आज एकजना कोरोना संक्रमितको मृत्यु भएको छ । हेटौंडा ४ का ७४ वर्षीय वृद्धको कोरोना संक्रमणका कारण बुधबार मृत्यु भएको हो ।
हालसम्म मकवानपुरमा कोरोना संक्रमणका कारण ३३ जनाको ज्यान गएको र ३ हजार ९१२ जना संक्रमित भएको बताइएको छ |