हेटौंडा अस्पतालमा थप एकजना कोरोना संक्रमितको मृत्यु, २४ घण्टामा ३ जनाको ज्यान गयो
हेटौंडा अस्पतालमा थप एकजना कोरोना संक्रमितको मृत्यु भएको छ ।
मदन भण्डारी स्वास्थ्य विज्ञान प्रतिष्ठान हेटौंडा अस्पतालको कोभिड १९ उपचार कक्षमा उपचार गराइरहेका एक पुरुषको मृत्यु भएको कोभिड इन्चार्ज डाक्टर सागर काफ्लेले पुष्टि गरे ।
मकवानपुरगढी गाउँपालिका ५ निवासी ६८ बर्षिय पुरुष संक्रमितको कोरोना संक्रमणका कारण आज बिहान मृत्यु भएको अस्पतालले जनाएको छ । पछिल्लो २४ घण्टामा हेटौंडा अस्पतालमा ३ जना संक्रमितको मृत्यु भएको छ ।
मंगलबार बिहान हेटौंडा -६ निवासी ४१ बर्षिया महिलाको कोरोना संक्रमणका कारण मृत्यु भएको थियो भने दिउसो बारा अमलेखगन्ज २१ निवासी ५९ बर्षिय पुरुष संक्रमितको कोरोना संक्रमणका कारण मृत्यु भएको थियो ।