हेटौंडामा दुर्घटना : बस र ट्रक ठोक्किदा ११ जना घाइते
हेटौंडामा आज बिहान सवारी दुर्घटना हुँदा ११ जना घाइते भएका छन् ।
शुक्रबार बिहान काठमाडौंबाट हेटौँडातर्फ आउँदै गरेको बस र विपरित दिशातर्फ जाँदै गरेको ट्रक पुर्व पश्चिम राजमार्गको हेटौंडा उपमहानगरपालिका १९ नेवारपानि स्थित सडकखण्डमा एकआपसमा ठोक्किएर दुर्घटना हुँदा ट्रक चालकसहित ११ जना घाइते भएको जिल्ला प्रहरी कार्यालय मकवानपुरले जनाएको छ ।
काठमाण्डौबाट आइरहेको ना ७ ख ९१४० नम्बरको बस र हेटौंडाबाट चितवन तर्फ गइरहेको ना ५ ख ४१४६ नम्बरको ट्रक एक आपसमा ठोक्किएर दुर्घटना भएको हो ।
घाईतेहरुको चुरेहिल हस्पिटलमा उपचार भइरहेको प्रहरीले जनाएको छ ।