हेटौंडाको राप्ति खोलामा प्रहरीको शव भेटियो
हेटौंडाको राप्ति खोलामा एकजना प्रहरीको शव फेला परेको छ ।
हेटौंडा उपमहानगरपालिका १० स्थित शव दाह स्थल नजिकै शनिबार बिहान ८ बजे खोलामा डुबिरहेको अवस्थामा एक प्रहरीको शव भेटिएको जिल्ला प्रहरी कार्यालय मकवानपुरका प्रवक्ता प्रहरी नायव उपरीक्षक जयश्वर रिमालले जानकारी दिए ।
शव ४७ बर्षिय प्रहरी नायव निरीक्षक केशव बहादुर खत्रीको भएको उनले बताए । प्रहरीका अनुसार खत्री उच्च अदालत पाटन-हेटौंडा इजलाशमा सुरक्षामा खटिएका प्रहरी हुन् ।
बिहान स्थानीयले शव देखेपछी प्रहरीलाई खबर गरेका थिए । हाल उनको शव पोष्टमाटमका लागि हेटौंडा अस्पताल लगिएको र घटना बारे थप अनुसन्धान भैरहेको जिल्ला प्रहरी कार्यालय मकवानपुरले जनाएको छ ।