हेटौंडा अस्पतालमा ६ घन्टाको अवधिमा ४ जना कोरोना संक्रमितको मृत्यु
हेटौंडा अस्पतालमा ६ घन्टाको अवधिमा ४ जना कोरोना संक्रमितको मृत्यु भएको छ ।
अस्पतालमा बिहिबार बिहानदेखि दिउसोसम्ममा ४ संक्रमितको निधन भएको हो । बिहान ८-१५ मा हेटौंडाका एक पुरुष संक्रमितको मृत्यु भएको थियो भने बिहान ११-५० मा अर्का एक पुरुषको निधन भयो ।
त्यस्तै दिउसो साढे १ बजे रौतहट निवासी ६५ बर्षिय पुरुष संक्रमितको निधन भयो भने १-५० मा हेटौंडाकी अर्का एक संक्रमित महिलाको निधन भयो ।
मदन भण्डारी स्वास्थ्य विज्ञान प्रतिष्ठान हेटौंडा अस्पतालको कोभिड १९ उपचार कक्षको आइसीयु र भेन्टिलेटरमा उपचार गराइरहेकाहरुको कोरोना संक्रमणका कारण निधन भएको अस्पतालले जनाएको छ ।
मकवानपुरमा दिनप्रतिदिन कोरोना संक्रमित बढ्दै गए संगै मृत्यु दर पनि बढिरहेको छ । हालसम्म जिल्लामा ४६जनाको कोरोनाको कारण निधन भएको छ ।