हेटौंडामा सकियो मतदान, खस्यो ३३८ मत
बागमती प्रदेशमा रिक्त रहेको राष्ट्रिय सभा सदस्य पदको उपनिर्वाचनको मतदान सकिएको छ ।
प्रदेशका ३ सय ४७ मतदाता मध्ये ३ सय ३८ मत खसेको छ ।
स्थानीय तहबाट दुई सय ३८ मतदातामा २ सय ३३ मत खसेको छ । प्रदेश सभाबाट १०९ मतदाता मध्य १०५ मत खसेको निर्वाचन अधिकृत डिल्लीरत्न श्रेष्ठले जानकारी दिए ।
प्रमुख निर्वाचन अधिकृत श्रेष्ठका अनुसार मतगणनाको नतिजा भर्चुअल माध्यमबाट सार्वजनिक गरिने गरी व्यवस्थापन गरिएको हो ।
मतगणना साँझ अपरान्ह साढे ४ बजेदेखि शुरु गरिने प्रमुख निर्वाचन अधिकृत श्रेष्ठले बताए ।