विरोध खतिवडा स्वास्थ्यमन्त्री, रामकुमारीलाई पर्यटन
नेकपा एकीकृत समाजवादीले मन्त्रालय जिम्मेवारीलाई हेरफेर गरेको छ। समाजवादीले विरोध खतिवडालाई स्वास्थ्य तथा जनसंख्या मन्त्री बनाउने भएको छ ।
यसअघि सामेल हुन लागेका नेताहरुको मन्त्रालयको जिम्मेवारी एकीकृत समाजवादीले सच्याएको हो।
एकीकृत समाजवादीबाट खतिवडासँगै सचिव रामकुमारी झाँक्री, प्रेमबहादुर आले र कृष्णकुमार श्रेष्ठ ‘किसान’ मन्त्री र भवानी खापुङ राज्यमन्त्री बन्दैछन् । स्रोतका अनुसार झाँक्री संस्कृति, पर्यटन तथा नागरिक उड्डयन, आले शहरी विकास र श्रेष्ठ श्रम रोजगार तथा सामाजिक सुरक्षा मन्त्री बन्नेछन् ।