मकवानपुरमा ह्वात्तै चिसो बढ्यो, हेटौंडामा आज विद्यालय बन्द
गएरातीदेखि वर्षा भैरहेकाले मकवानपुरमा ह्वात्तै चिसो बढेको छ । चिसो बढेर तापक्रम निकै घटेकाले हेटौंडा उपमहानगरपालिमा आज एक दिन विद्यालयको पठनपाठन बन्द हुने भएको छ ।
विद्यार्थीको स्वास्थ्यमा पर्न सक्ने प्रतिकुल असरलाई मध्यनजर गर्दै आज नगर भित्रको विद्यालयको पठनपाठन बन्द गर्न भनिएको नगरका शिक्षा विकास महाशाखा प्रमुख गंगाधर रिमालले जानकारी दिएका छन् ।
चिसो ह्वात्तै बढे संगै विद्यार्थीको स्वास्थ्यलाई मध्यनजर गर्दै उपमहानगरपालिकाका मेयर हरिबोल महतको आदेश अनुसार एकदिन विद्यालयको पठनपाठन बन्द गर्न अनुरोध गरिएको उनले बताए ।