हेटौंडा अस्पतालले फिर्ता पठाएको मेशिन प्रतिष्ठानबाट किनेर अस्पतालमै, कानुन मिचेरै खरिद
हेटौंडा अस्पतालले फिर्ता पठाएको मेशिन अध्यक्ष राजेश प्रसाईले मदन भण्डारी स्वास्थ्य विज्ञान प्रतिष्ठानको नाममा सोझै खरिद गरेर अस्पतालमा राखेको पाईएको छ ।
रगतको परिक्षण गर्ने ‘प्रोटिन एनेलाईजर’ मेशिन गत आर्थिक वर्षमै अस्पतालमा बिना टेन्डर सोझै खरिद गर्न खोजिएको थियो । तर वायो मेडिकल इन्जिनियर लगायत कर्मचारीले टेन्डर बिना खरिद गर्न नमानेपछि उक्त मेशिन प्रसाईले मदन भण्डारी स्वास्थ्य विज्ञान प्रतिष्ठानको नाममा खरिद गरेर अस्पतालमा राखेको पाईएको हो ।
उक्त मेशिन कम्पनीले अस्पताललाई खरिद गर्नका लागि आग्रह गरेको थियो । त्यति मात्र होईन मेशिन सित्तैमा राखिदिन समेत कम्पनि त्योबेला राजि भएको विशेष स्रोतले बताउछ ।
कुनै पनि सामान खरिद गर्दा सार्वजनिक खरिद ऐन अनुसार खरिद गर्नुपर्छ यस्ता मेशिनमा जुन कम्पनीको मेशिन हो त्यहि कम्पनीको केमिकल मात्र लाग्ने गर्छ । त्यसो हुदा यस्ता मेशिन टेन्डर बिना खरिद गर्नै नहुने कानुनि प्रावधान छ । तर यो मेशिन अध्यक्ष प्रसाईले ४ लाख ७५ हजारमा प्रतिष्ठानबाट खरिद गरि हेटौंडा अस्पतालमै ल्याएर राखेका छन् ।
अन्य सरकारी अस्पताललाई हेर्ने हो भने भरतपुर क्यान्सर अस्पतालले यस्ता मेशिनमा लाग्ने केमिकलको लागि मात्र टेन्डर आव्हान गरि मेशिन सित्तैमा जोडिनुपर्ने प्रावधान राख्ने गर्छन् । केमिकल जसको सस्तो पर्छ उसैको बाट खरिद गर्ने गरिन्छ र मेशिन कम्पनिलेनै जडान गरिदिने सम्झौता गरिन्छ ।
तर हेटौंडा अस्पतालमा भने यस्ता मेशिन सोझै खरिद गर्न खोजिएको र कर्मचारीले नमानेपछि प्रतिष्ठानबाट खरिद गरी पुनः अस्पतालमै मेशिन राखिएको छ । यसले गर्दा एक खरिद ऐन विपरित कानुन मिचेर खरिद गरिएको पाईयो भने अर्को तर्फ कम्पनीले भनेजति मूल्य तिरेर केमिकल खरिद गर्नुपर्ने अवस्था आएको छ । जसले गर्दा प्रति व्यक्ति विभिन्न परिक्षण गर्दा अस्पताललाई महँगो परिरहेको छ ।
कम्पनि नै आधिकारिक नभएको पाईयो
अस्पतालमा भएको उक्त मेशिन बिक्रि गर्ने कम्पनि आधिकारिक नभएको पाईएको छ । औषधि जन्य सामाग्री सोझै खरिद गर्दा नेपालको एकमात्र आधिकारिक बिक्रेता र अन्तराष्ट्रिय मान्यता प्राप्त कम्पनि हुनुपर्ने कानुनि प्रावधान रहेको छ । तर उक्त कम्पनि नेपालको आधिकारिक बिक्रेता नभएको पाईएको हो । हचुवाको भरमा त्यस्तो कम्पनीबाट सामान खरिद गरेको भेटिएको छ ।
यता अस्पतालमा बिद्युत जडान तथा इलेक्ट्रिकल काममा पनि खरिद ऐन विपरित बिना टेन्डर खरिद प्रक्रिया अघि बढाईएको भेटिएको छ ।
अस्पतालका लागि नयाँ बिद्युत जडान तथा सप्लाई कामको लागि इन्जिनियरले ५ लाख ९१ हजारको लागत अनुमान निकाले पनि मदन भण्डारी स्वास्थ्य विज्ञान प्रतिष्ठान हेटौंडा अस्पतालका अध्यक्ष राजेश प्रसाईले आफूखुसी खरिद प्रक्रिया अघि बढाएको पाईएको हो ।
उनले इस्टमेटसमेत निकालिसकेको अवस्थामा सुचना प्रकाशन गरी कोटेशन समेत ननिकाली सोझै खरिद प्रक्रिया अघि बढाएका हुन् ।
हाल उक्त कार्यको बिल पेश गरिएको छ । यद्दपी भुक्तानी भए रोकिएको छ ।
यो पनि पढ़नुहोस्
-
अध्यक्ष राजेश प्रसाईकै पावरमा हेटौंडा अस्पतालको क्यान्टिन अबैध रुपमा सित्तैमा संचालन !
-
हेटौंडा अस्पतालका अध्यक्षले कानुन मिचेर खरिद गरेको सामान दिने कम्पनि नै आधिकारिक नभएको पुष्टि
-
हेटौंडा अस्पतालमा कानुन मिचेर ८० लाख बढीको सामान खरिद गरेको भेटियो
-
हेटौंडा अस्पताल जाँदा बिरामीलाई हैरानी बढी, बृद्धबृद्धाले समयमा उपचार पाउनै मुस्किल
-
हेटौंडा स्थित मदन भण्डारी स्वास्थ्य विज्ञान प्रतिष्ठानविरुद्ध अख्तियारमा उजुरी
-
हेटौंडा अस्पताल र प्रतिष्ठानमा मनलाग्दी : ऐन विपरित सामाग्री खरिद,पावरमा सयौं कर्मचारी भर्ति
-
हेटौंडा अस्पतालको फार्मेसीमा सामन्य औषधिसमेत पाईदैन , बिरामीलाई सास्ती