उल्टो पैदल यात्रामा हिडेका ऋषि परियार २५ दिनमा हेटौंडा आइपुगे
उल्टो पैदल यात्रामा हिडेका दाङ तुलसीपुर–३ रानागाउँका ऋषि परियार २५ दिनमा आज हेटौंडा आइपुगेका छन् ।
मंगलबार दिउँसो उनी हेटौंडा आइपुगेका हुन् । ३० वर्षीय परियार मेचीदेखि महाकालीसम्मको यात्रामा उल्टो पैदल यात्रा हिडेर दैनिक ३० देखि ४० किलोमिटर यात्रा गरिरहेको बताएका छन् ।
करिब दुई महिनाभित्र महाकाली पुग्ने योजना बनाएका परियारले जम्पिङ्ग जक्सबाट विश्व रेकर्ड राखिसकेका छन् । उल्टो यात्रामा समेत गिनिजबुकमा नाम लेखाउने परियारको लक्ष्य छ ।
उनले काँकरभिट्टाको मेची नदि किनारबाट उल्टो पैदलयात्रा गर्दै सो यात्राको सुरुवात् गरेका थिए ।