कार्यक्रममा मन्त्रालयका सचिव मणिराम गेलालले मन्त्रालयले आगामी वर्षमा साना योजना हटाएर ठूला आयोजनामा ध्यान दिइने बताए । शहरी विकास तथा भवन निर्माण विभागका महानिर्देशक पद्मकुमार मैनालीले बस्ती विकास आवाससँगै वस्तुकलालाई पनि जोडेर अगाडि बढ्न लागिएको बताए ।
ठुला योजनामा बजेट विनियोजन गर्ने तयारी
शहरी विकास मन्त्रालयले अगामी आर्थिक वर्षमा समावेश गर्नुपर्ने ठूला योजना पहिचान गरेर बजेट विनियोजन गर्नको लागि आन्तरिक गृहकार्य अघि बढाएको छ ।
यस आर्थिक वर्षबाट उपभोक्ता समितिबाट हुने काम रोकेको मन्त्रालयले नीतिगत सुधारसँगै आयोजनाको प्राथमिकीकरणलाई पनि ध्यान दिएको छ ।शहरी विकास मन्त्री रामकुमारी झाँक्रीले राष्ट्रिय योजना आयोगका उपाध्यक्ष डा. विश्वनाथ पौडेलसहित मन्त्रालयका सचिव एवं मन्त्रालय अन्तर्गत रहेका आयोजना प्रमुखहरूसँग मन्त्रालयको आगामी योजनाको बारेमा छलफल अघि बडाएकि हुन् ।